മനുഷ്യ-വന്യമൃഗ സംഘർഷം ലഘൂകരിക്കുന്നതിനുള്ള നടപടികള്‍

മനുഷ്യ-വന്യമൃഗ സംഘർഷം പരിഹരിക്കുന്നതിനായി റാപ്പിഡ് റെസ്പോൺസ് ടീമുകള്‍ (RRT) 

മനുഷ്യ-വന്യമൃഗ സംഘർഷമുള്ള സാഹചര്യത്തിൽ, പൊതുജനങ്ങൾ സ്വന്തം സുരക്ഷ മുൻനിർത്തി, സംഭവ സ്ഥലത്തുനിന്ന് അകലം പാലിക്കേണ്ടതാണ്. അത് വഴി, പരിശീലനം ലഭിച്ച റാപ്പിഡ് റെസ്പോൺസ് ടീം (RRT) അംഗങ്ങൾക്ക് പ്രശ്നം പരിഹരിക്കാൻ വേണ്ട നടപടികൾ സ്വീകരിക്കുന്നതിനുള്ള അവസരം നൽകാം.

RRT യുടെ വിശദവിവരങ്ങൾ അറിയുന്നതിനായി ക്ലിക്ക് ചെയ്യുക

ലോകത്തെ മറ്റുപല സ്ഥലങ്ങളും പോലെ തന്നെ കേരളവും അഭിമുഖീകരിക്കുന്ന ഒരു  പ്രശ്നമാണ് മനുഷ്യ-വന്യമൃഗ സംഘർഷം. ഇത് കുറച്ചു കൊണ്ട് വരുന്നതിനും വന്യമൃഗങ്ങളും മനുഷ്യരും തമ്മിൽ ആരോഗ്യകരമായ സഹവർത്തിത്വം നിലനിർത്തുന്നതിനും നവീനമായ പരിഹാരമാര്‍ഗങ്ങള്‍ ആവശ്യമാണ്.

മനുഷ്യ-വന്യമൃഗ സംഘർഷം ലഘൂകരിക്കുന്നതിനായി, ആവാസ വ്യവസ്ഥ മെച്ചപ്പെടുത്തൽ, ദ്രുത പ്രതികരണ നടപടികൾ തുടങ്ങി വിവിധ തരത്തിലുള്ള ഫലപ്രദമായ ഇടപെടലുകൾ വനം വകുപ്പ് നടത്തുന്നുണ്ട്. വനത്തിനുള്ളിലെ ആവാസവ്യവസ്ഥ മെച്ചപ്പെടുത്തുന്നത് വഴി വന്യമൃഗങ്ങള്‍ വനത്തിനു പുറത്തേക്കു വരുന്നത് തടയാൻ കഴിയുമെന്നാണ് കണക്കു കൂട്ടുന്നതെങ്കിലും പലപ്പോഴുംപല കാരണങ്ങളാൽ വന്യമൃഗങ്ങള്‍ വനത്തിനു പുറത്തു വരുന്നുണ്ട്. കാലാവസ്ഥാ വ്യതിയാനവും ആവാസവ്യവസ്ഥയുടെ തുടർച്ച നഷ്ടപ്പെടുന്നതും ഒക്കെ ഇതിനു കാരണമായി ചൂണ്ടിക്കാണിക്കപ്പെടുന്നുണ്ട്.

മനുഷ്യ-വന്യമൃഗ സംഘർഷം ലഘൂകരിക്കുന്നതിൽ വനം വകുപ്പിന്റെ റാപ്പിഡ് റെസ്‌പോൺസ് ടീമുകൾ (ആർആർടി) നിർണായക പങ്ക് വഹിക്കുന്നു. വനമേഖലയ്ക്ക് പുറത്ത് വന്യമൃഗങ്ങളെ കണ്ടാൽ RRT ആവശ്യമായ ദ്രുതനടപടി സ്വീകരിക്കും. അതാതു പ്രദേശങ്ങളിലെ പ്രത്യേകതകളും  വന്യമൃഗം എതെന്നെതുമൊക്കെ  പരിഗണിച്ചാണ് RRT ടീം ആവശ്യമായ നടപടികൾ സ്വീകരിക്കുന്നത്. ഇതിനു വേണ്ട പരിശീലനവും ആവശ്യമായ ഉപകരണങ്ങളും RRT- കൾക്കു ലഭ്യമാക്കിയിട്ടുണ്ട്.

മനുഷ്യ-വന്യമൃഗ സംഘർഷംനിലനിൽക്കുന്ന ഹോട്ട്‌സ്‌പോട്ടുകൾ നിരീക്ഷിക്കുന്നതിനും മുന്നറിയിപ്പുകൾ നൽകുന്നതിനുമുള്ള ഡ്രോണുകൾ പോലുള്ള നൂതന സാങ്കേതികവിദ്യകൾ  അടിയന്തരസാഹചര്യങ്ങളില്‍ ഉപയോഗിച്ച് വരുന്നുണ്ട്. പ്രതികരണ സമയം കുറക്കാനും ജീവനും സ്വത്തിനും ഉണ്ടാകുന്ന നാശനഷ്ടങ്ങൾ ഒഴിവാക്കാനും ലക്ഷ്യമിട്ട് പെട്ടെന്ന് പ്രതികരിക്കാൻ RRT-കൾ 24/7 സജ്ജമാണ്.

മനുഷ്യന്‍റെ ജീവനും സ്വത്തിനെയും, വന്യജീവികളെയും സംരക്ഷിക്കുന്നതിനായി RRT-കള്‍  സദാ ജാഗരൂകരാണ്. RRT-ക്ക് വേണ്ട പിന്തുണ നല്കി, മനുഷ്യ-വന്യജീവി സംഘർഷം കുറയ്ക്കുകയും കേരളത്തിൽ പരിസ്ഥിതിസംരക്ഷണ പ്രവർത്തനങ്ങളെ പ്രോത്സാഹിപ്പിക്കുകയും ചെയ്യാം.